Letter Break 7 ~ Things That Grind My Gears

May aaminin ako.

Hindi ako matinong tao. That's a fact. Duh, hindi pa ba obvious sa mga kwento ko dito? Mukha lang akong disente at hindi makabasag-pinggan sa personal kasi mahiyain at tahimik ako sa una, pero ang utak ko ay malayo sa pagiging banayad o malinis. Ika nga ng best friend kong si Rey, I am one very fucked up individual, wala nang pag-asang maging pa-virgin ulit. Hindi ko itinatanggi iyan. Hindi ako nagbabalat-kayo. Gusto kong linawin iyan sa inyo, para walang nadi-disappoint at nagugulat kapag nakilala ako.

Ngunit! Subalit! Pero! Hindi porque ganito ang tema ng espasyo ko dito sa mundo ng blogging ay nagkakahulugan na na hindi ako marunong magpakatao. Bastos ako sa panulat, pero hindi ako bastos kaharap. May breeding ako, merong manners. Marunong akong makisama, marunong din akong rumespeto. Alam ko kung kailan dapat manahimik lang, alam ko rin kung ano ang hindi dapat sinasabi. Mabait ako sa mabait sa akin, at wala naman akong pakialam sa hindi. Ayaw kong hinuhusgahan, kaya hindi ako judgmental. Simple.

And there are three more things.

Una, may warning for adult content itong blog ko before mo siya mabuksan. Meron ding foreword na makikita sa itaas. Both of them will warn you of what to expect. So kung straight or babae ka, sana lang, wag kang magugulat kung may mababasa kang hindi normal para sayo. LGBT community at mga open-minded heterosexuals ang target readers ko. Nasa iyo na ang responsibilidad kung magpapatuloy ka after mo balewalain ang dalawang paalala sa simula. Never akong namilit ng kahit sino na magbasa ng blog ko. Nire-respeto ko ang free will at comfort level ng mga mambabasa ko. Kung nababastusan ka na, naiintindihan ko kung aalis ka.

Pangalawa, about ulit sa content. Sabi ng isang quote, "Promote what you love, instead of bashing what you hate." Eh paano ba yan? I love sex and I lust for men. Kaya mga ganito ang nipo-promote ko. Mas okay na 'yun di ba kaysa nang-aaway at naninira ng iba.

Pangatlo, tinatamad rin akong magsulat ng posts in full English paminsan-minsan. Tutal na-execute ko naman ng maayos ang plans ko for my main alphabet, ayaw ko nang limitahan ang sarili ko sa salitang banyaga lamang. Kung anong language ako komportable habang nagsasali-type, iyon ang gagamitin ko. Walang pakialamanan, blog ko naman 'to eh. Hindi porque nakasulat sa Tagalog, mas bastos at mas malaswa na, at hindi porque nakasalin sa English, mas acceptable at may class na. Saan mo mang lengwahe i-translate ang mga kwento ko, rated-18 pa din.

'Yun lang. Aytenkyubaw.

With these out of my chest, balik na ulit tayo sa kabastusan. Pero next week na; a-attend muna ako ng Ati-atihan Festival sa Aklan this weekend with Ace. またね / Mata ne!